الصديق / فادى ........
الحقيقه انا قدمت ف
اتصال عن طريق الميل ده
recruitment@etisal-int.com
يوم الاربعاء الساعه 6 مساءأ ، اتصل بيا اتش ار مستر محمد محمود
قالى انت كنت قدمت فى اتصال قولتله اه قالى جاهز انى اعمل معاك تيست صغير قولتله اوى اوى قالى عرف نفسك بالانجليش ؟ عرفت نفسي وتمام التمام قالى بكره عندك انترفيو الساعه 10 الصبح بس محمود إقرا شويه عن خدمة العملاء وقفل .
روحت يوم الخميس برج مصر للسياحه الدور 17 شركة إتصال - دخلت لقيت ماشاء الله حوالى 15 واحد قاعدين والناس كلها وشها بيقول يارب نشتغل لاننا تعبنا من قعدة البيت واللف والدوران اللى على الفاضي ، استنينا قعدنا وزعوا علينا امتحان انجليش كله اختيارات سهل اوى ، وامتحان اى كيو صعب وسهل ، سلمناه ، قالوا اللي تبع نهي يجي هنا واللى تبع محمد محمود هنا ووائل هنا قسمونا وبدأوا يدخلونا 5 ورا 5 دخلنا 5 شباب زى الورد ، دخل مستر محمد وبدأ يسال كل واحد الاسئله المعتاده دى وانا هحطلكوا اجابتها اهي :
can introduce your self
عرف نفسك انت بقى
What do you know about customer service?
Customer service is the basic stage at any respectable company, which makes the relation between the customer and his company much better by serving him by perfect way to reach his satisfaction
بعدين قلب عربي وسال كل واحد شايف ايه المميزات اللى ممكن تكون فى موظف خدمة العملاء؟
اكلم انت انجليش وقوله :
good communication skills , good listener, , friendly, Calm, l have the ability to work in team work
بعد كده كلمنا شويه عن تفاصيل الوظيفه ازاى وفين وليه واشمعنى كل حاجه واحنا قاعدين بعدين قال اتفضلوا و5 دقايق وهنقول مين اللى قبل ومين اللى هيمشي ,,,,
خرجنا وقفنا فى الطرقه خرج علينا الراجل بكل إحترام قال انتوا الخمسه اكسبتد اتفضلوا انزلوا روحوا برج التطبيقيين عشان تعملوا سكند انترفيو ،
الحمد لله كنا مبسوطين جداً وحنا قعدنا استنينا مستر احمد حسن شويه ندهوا علينا دخلنا الراجل طبيعي انه كويس ومحترم معانا سال كل واحد برضه نفس الاسئله + سؤال خاص بكل واحد سالنى قالى لو المانجر بتاعك رخم وعصبي ومش طايق الموبيل اللى ف ايده هتعمل ايه مع الشخصيه اللى زي دى ؟ جاوبته بهدوء وبصوت قوى اجابه انا شايفها مقنعه الحمد لله، وسلم كل واحد قطعه انجليش يقراها عشان يقيس مستوى الاكسنت بتاعه قريناها وقال تمام اتفضلوا بقى بره وهننده على الاسماء اللى قبلت
خرجنا قعدنا فى البوفيه لقينا ناس جت تانى كانوا فى برج مصر للسياحه للعلم احنا كان عددنا كلنا 15 واحد لقيتهم 10 يعنى وقع مننا 5 ، الراجل واحنا قاعدين دخل صلى العصر وخرج نده على الاسماء حوالى 7 بس على ماأفتكر دخلنا اخر انترفيو مع واحد من شركة اتصالات نفسها هادي جدا جدا جدا ، سال كل واحد عرف نفسك بالانجليش بعدين سال كل واحد ايه اصعب موقف قابلته فى حياتك كل واحد جاوب على موقفه بعدين سلم كل واحد ورقه وخلانا نقراها علشان يشوف الاكسنت بتاعه ، للاسف انا مش تمام فى الانجليش خبط شويه بعدين قالى ترجمها ، ترجمت نصها قالى اوكى اتفضلوا خلاص كده ولو فى نصيب هنكلمكوا خلال اسبوع ، روحنا بسكوووت خالص لاننا قولنا خلاص احنا شكرا منفعناش وخرجنا من برج التطبيقيين الساعه 4 العصر
الحمد لله الساعه 7 مستر محمد محمود بيكلمنى بيقولى مبروك انت قبلت كنت فى المترو كان هاين عليا اسلم على كل واحد فى المترو واقوله مبرووك الحمد لله من فرحتى
وإنتهت الرحله وباذن الله هننزل التدريب من يوم الاحد
تعليقي انا قبل اى حاجه : انى ياجماعه بقالى 3 سنين ماشتغلتش وبدور بكل طاقتى اشتغلت حاجات ملهاش لازمه بمرتبات هزيله اوى ، وبالنسبه للوظيفه دي هقول ان فى ناس بجد استمرت فيها اه تعبت اوى وطلع عينها بس اتقدمت ولو خطوه - اى وظيفه خلقها ربنا عاوزة الاستمراريه انا واحد من الناس كنت بقول على اخر الزمن هكلم عملاء ويشتمونى يعنى اللى كنا بنعمله فى الناس هيطلع علينا لا ياجماعه فكرتى اتغيرت بجد قولت هجرب ومش عيب مرتب قليل بس ان شاء الله هكمل لانى عاوز اوصل ، ماهو ازاى هنوصل واحنا مشبكين ادينا فى بعضيها وبنقول لالالالا دى وظيفه اى كلام لالالالا دى متعبه ، اظن اننا مش بنشيل طوب وبنطلع سلالم لغاية اخر دور لا احنا قاعدين باحترام وبادب فى تكييف وناس كويسه معاك ف شغلانتك حبها واتعود عليها علشان تديلك وشها مش ظهرها وده رايي المتواضع
وربنا يوفق الجميع ويكرمنا كلنا ياااااااااارب
recruitment@etisal-int.com
يوم الاربعاء الساعه 6 مساءأ ، اتصل بيا اتش ار مستر محمد محمود
قالى انت كنت قدمت فى اتصال قولتله اه قالى جاهز انى اعمل معاك تيست صغير قولتله اوى اوى قالى عرف نفسك بالانجليش ؟ عرفت نفسي وتمام التمام قالى بكره عندك انترفيو الساعه 10 الصبح بس محمود إقرا شويه عن خدمة العملاء وقفل .
روحت يوم الخميس برج مصر للسياحه الدور 17 شركة إتصال - دخلت لقيت ماشاء الله حوالى 15 واحد قاعدين والناس كلها وشها بيقول يارب نشتغل لاننا تعبنا من قعدة البيت واللف والدوران اللى على الفاضي ، استنينا قعدنا وزعوا علينا امتحان انجليش كله اختيارات سهل اوى ، وامتحان اى كيو صعب وسهل ، سلمناه ، قالوا اللي تبع نهي يجي هنا واللى تبع محمد محمود هنا ووائل هنا قسمونا وبدأوا يدخلونا 5 ورا 5 دخلنا 5 شباب زى الورد ، دخل مستر محمد وبدأ يسال كل واحد الاسئله المعتاده دى وانا هحطلكوا اجابتها اهي :
can introduce your self
عرف نفسك انت بقى
What do you know about customer service?
Customer service is the basic stage at any respectable company, which makes the relation between the customer and his company much better by serving him by perfect way to reach his satisfaction
بعدين قلب عربي وسال كل واحد شايف ايه المميزات اللى ممكن تكون فى موظف خدمة العملاء؟
اكلم انت انجليش وقوله :
good communication skills , good listener, , friendly, Calm, l have the ability to work in team work
بعد كده كلمنا شويه عن تفاصيل الوظيفه ازاى وفين وليه واشمعنى كل حاجه واحنا قاعدين بعدين قال اتفضلوا و5 دقايق وهنقول مين اللى قبل ومين اللى هيمشي ,,,,
خرجنا وقفنا فى الطرقه خرج علينا الراجل بكل إحترام قال انتوا الخمسه اكسبتد اتفضلوا انزلوا روحوا برج التطبيقيين عشان تعملوا سكند انترفيو ،
الحمد لله كنا مبسوطين جداً وحنا قعدنا استنينا مستر احمد حسن شويه ندهوا علينا دخلنا الراجل طبيعي انه كويس ومحترم معانا سال كل واحد برضه نفس الاسئله + سؤال خاص بكل واحد سالنى قالى لو المانجر بتاعك رخم وعصبي ومش طايق الموبيل اللى ف ايده هتعمل ايه مع الشخصيه اللى زي دى ؟ جاوبته بهدوء وبصوت قوى اجابه انا شايفها مقنعه الحمد لله، وسلم كل واحد قطعه انجليش يقراها عشان يقيس مستوى الاكسنت بتاعه قريناها وقال تمام اتفضلوا بقى بره وهننده على الاسماء اللى قبلت
خرجنا قعدنا فى البوفيه لقينا ناس جت تانى كانوا فى برج مصر للسياحه للعلم احنا كان عددنا كلنا 15 واحد لقيتهم 10 يعنى وقع مننا 5 ، الراجل واحنا قاعدين دخل صلى العصر وخرج نده على الاسماء حوالى 7 بس على ماأفتكر دخلنا اخر انترفيو مع واحد من شركة اتصالات نفسها هادي جدا جدا جدا ، سال كل واحد عرف نفسك بالانجليش بعدين سال كل واحد ايه اصعب موقف قابلته فى حياتك كل واحد جاوب على موقفه بعدين سلم كل واحد ورقه وخلانا نقراها علشان يشوف الاكسنت بتاعه ، للاسف انا مش تمام فى الانجليش خبط شويه بعدين قالى ترجمها ، ترجمت نصها قالى اوكى اتفضلوا خلاص كده ولو فى نصيب هنكلمكوا خلال اسبوع ، روحنا بسكوووت خالص لاننا قولنا خلاص احنا شكرا منفعناش وخرجنا من برج التطبيقيين الساعه 4 العصر
الحمد لله الساعه 7 مستر محمد محمود بيكلمنى بيقولى مبروك انت قبلت كنت فى المترو كان هاين عليا اسلم على كل واحد فى المترو واقوله مبرووك الحمد لله من فرحتى
وإنتهت الرحله وباذن الله هننزل التدريب من يوم الاحد
تعليقي انا قبل اى حاجه : انى ياجماعه بقالى 3 سنين ماشتغلتش وبدور بكل طاقتى اشتغلت حاجات ملهاش لازمه بمرتبات هزيله اوى ، وبالنسبه للوظيفه دي هقول ان فى ناس بجد استمرت فيها اه تعبت اوى وطلع عينها بس اتقدمت ولو خطوه - اى وظيفه خلقها ربنا عاوزة الاستمراريه انا واحد من الناس كنت بقول على اخر الزمن هكلم عملاء ويشتمونى يعنى اللى كنا بنعمله فى الناس هيطلع علينا لا ياجماعه فكرتى اتغيرت بجد قولت هجرب ومش عيب مرتب قليل بس ان شاء الله هكمل لانى عاوز اوصل ، ماهو ازاى هنوصل واحنا مشبكين ادينا فى بعضيها وبنقول لالالالا دى وظيفه اى كلام لالالالا دى متعبه ، اظن اننا مش بنشيل طوب وبنطلع سلالم لغاية اخر دور لا احنا قاعدين باحترام وبادب فى تكييف وناس كويسه معاك ف شغلانتك حبها واتعود عليها علشان تديلك وشها مش ظهرها وده رايي المتواضع
وربنا يوفق الجميع ويكرمنا كلنا ياااااااااارب
ليست هناك تعليقات:
إرسال تعليق